Monday, 25 November 2013

My Filmy side-Romantic Dialogue shayari


Hume samaj mein nahi aaya ki woh ek ladki thi yaa pari,such kaha tha kisine fullo se nazook thi woh.Us din ki subah jab gulaabi libaas mein woh aayi ,bhikare se baal usko is kadar sata rahe the ,mano woh aaj eid mane rahe the.Upar se subah ka suraj bhi aaj jyaada hi muskura raha tha,usse bhi aaj zameen par chand nazar aa raha tha.Uske pairo ke paazeb is kadar baj rahi thi,mano naachne ko woh aaj bechain thi.Aaj hume laga ki hoor kise kehte hain uski ankhon main samundar nazar aa raha tha.Usne toh ek baar bhi nahi dekha hume ,aur hume usse pyaar hua jaa raha tha.Aae khuda teri aaj tariff karne ko man kar raha tha,tune dharti par yeh kya utara tha.Muskurahat jaise koi abhi paida hua bacha hain.Aur gusse mein bhi badapan dikha raha tha .Haathon mein gulab tha ,aur woh khush tha ki woh khud ek gulab ke haathon mein.Aaj subah aisi jiski koi subah nahi.Nikhar gaye hum usse dekhar is kadar jaisse humne Ittar laga rakha tha .Ankhein humari hat nahi rahi thi ,yeh kaisa aalam bana rakha tha.Bhul gaye hum sab gum ko,ab khudko bhulna tha baaki .Samaj mein nahi aaya Pariyo ko kyu zameen par bula rakha tha .Tum ghabrayi bhi is kadar hume dekhkar ,jaise koi badmash dekh liya ho tumne,aur kya kare humari nazar bhi tumse hatne ka naam hi nahi le rahi thi.Hum nazar mila kar tadap gaye aur tum nazar jhuka kar chale gaye.Ae Ishq tumne hume pagal bana rakha tha !!

-Farah

1 comment:

  1. HI Can U please help me out on how u uploaded this template - I will be more great ful to u ...
    Thanks in advance

    ReplyDelete